Лионель Месси Ла Лиганинг кетма-кет 12 мавсумида 20 ва ундан ортиқ гол урган илк футболчига айланди

Лионель Месси Испания чемпионатининг 28-туридан ўрин олган «Барселона» — «Мальорка» (4:0) ўйинида битта гол урди ва иккита голга ассистентлик қилди.

Шу тариқа, Месси Испания чемпионатининг кетма-кет 12 мавсумида камида 20 тадан гол уришга муваффақ бўлган илк футболчига айланди.

2008/09 йилги мавсум (23 та гол)2009/10 (34)2010/11 (31)2011/12 (50)2012/13 (46)2013/14 (28)2014/15 (43)2015/16 (26)2016/17 (37)2017/18 (34)2018/19 (36)2019/20 (20).

Жорий мавсумда эса Месси барча мусобақаларда 32 та ўйин ўтказиб, 25 та гол урди ва 18 та голли узатмани амалга оширди. У «Барселона» таркибида жами 718 та ўйин ўтказиб, 627 та гол ва 265 та ассистга муаллифлик қилган.

28-турдан кейин каталон клуби Ла Лигада биринчи ўринни эгаллаб турибди. Иккинчи поғонада бораётган «Реал» пешқадамдан 5 очкога ортда қолмоқда.