Футбол бўйича Жанубий Корея чемпионатининг 6-туридан ўрин олган 14 июнь, якшанба кунги баҳслар ўз ниҳоясига етди.
«Кванжу» жамоаси ўз майдонида «Пусан Ай Парк»ни қабул қилди. Ўзбекистонлик футболчилар дуэлида Рустам Ашурматов жамоаси ғалаба қозонди. Биринчи бўлимга қўшиб берилган вақтда меҳмонлар ҳисобни очишга муваффақ бўлди. Бироқ майдон эгалари танаффусдан кейин бунга учта тўп билан жавоб қайтарди. Учрашувда Ашурматов ҳам, Достон Турсунов ҳам тўлиқ ҳаракат қилди.
Мазкур ғалабадан кейин «Кванжу»нинг очколари 7 тага етди ва жамоа 8-ўринга кўтарилди. «Пусан Ай Парк» эса (2) 11-ўринда қолди.
Параллел баҳсда «Сеул» жамоаси «Тегу» майдонида меҳмон бўлди. Мезбонлар мазкур баҳсда рақиб дарвозасига жавобсиз олтита тўп киритишга эришди. Учрашувда Ким Де Вон дубль қайд этган бўлса, Сезиня ва Деян Дамянович ўз ҳисобига биттадан гол ёздириб қўйди. Шунингдек, яна иккита автогол қайд этилди. Икром Алибоев ўйинда тўлиқ иштирок этди.
Шу тариқа кетма-кет учинчи мағлубиятини қабул қилиб олган «Сеул» 6 очко билан 9-ўринга тушиб кетди.
Кей-Лига
6-тур баҳслари
14 июнь, якшанба
«Кванжу» — «Пусан Ай Парк» 3:1
Голлар: 1:0 – 45+2 Ромуло, 1:1 – 61 Барбоза, 2:1 – 70 Фелипе, 3:1 – 90+1 Ким Жу Гон.«Тегу» — «Сеул» 6:0
Голлар: 1:0 – 10 Сезиня, 2:0 – 4 Ким Де Вон, 3:0 – 41, автогол Пак Чу Ён, 4:0 – 52 Ким Де Вон, 5:0 – 65, автогол Жон Ҳён Чҳол, 6:0 – 72 Дамянович.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)