Қирғизистонда хотинини синглисиникига боргани учун қийноққа солган эркак 15 суткага қамалгани ҳақида хабар берилган эди. Аёл уларнинг оиласига аралашмасликларини ва эрини қамоқдан озод қилишларини сўради. Бу ҳақда «Kloop.kg» хабар бермоқда.
Воқеа Қирғизистоннинг Жалолобод вилояти Сузоқ тумани Бекобод қишлоғида содир бўлган. Аёл синглисиникига бориб, шуни куни қайтмай, эртаси куни келгани учун эри томонидан калтакланганди. Воқеа акс этган видео ижтимоий тармоқларда тарқалиб, кенг жамоатчилик муҳокамасига сабаб бўлганди.
Вилоят ички ишлар бошқармасининг маълумотларига кўра, 47 ёшли жабрланувчи эри ҳибсга олинганда суд залидаёқ уни озод қилишларини сўраган. Шу билан бирга, эрига нисбатан ҳеч қандай даъвоси йўқлигини айтиб ариза ёзган.
Бироқ тергов идоралари ишни якунига етказмоқчи ва зўравонликни тасдиқловчи видеоёзувлар борлиги сабабли жабрланувчи аёлнинг аризаси кўриб чиқилмайди.
Қайд этилишича, аёл унинг шахсий ҳаётига аралашишларига қарши ва эрининг калтаклашларига қарамай, у билан оилавий ҳаётини давом эттириш ниятида. Унинг айтишича, бўлиб ўтган воқеа туфайли оиласи бузилишини хоҳламайди.
Изоҳ (0)