Фарғона вилоятида фуқаро А.С.нинг мурожаати асосида Telegram’да фирибгарлик қилаётган жиноятчи ҳибсга олинди. Бу ҳақда Фарғона вилояти ИИБ хабар қилган.
Хабарга кўра, 8 май куни номаълум шахс Telegram орқали «Б.И.» номли ботда 5 йил муддатга 10 миллион сўмдан 50 миллион сўмгача онлайн кредит бериши ҳақида ёлғон хабар тарқатган. Шундан кейин А.С.га 28 миллион сўм кредит олиши учун олдиндан 5 фоиз, яъни 1 миллион 400 минг сўм миқдоридаги пулларини пластик картаси орқали ботнинг карта ҳисобига ўтказтирган.
Бувайда туман ИИБ ҳузуридаги тергов бўлинмаси ҳолат юзасидан Жиноят кодексининг 168-моддаси 2-қисми «в» банди (Фирибгарлик) билан жиноят иши қўзғатган.
Тезкор қидирув тадбирлари давомида ушбу жиноятни С.У. содир этгани аниқланган ва тергов ҳаракатлари давом эттирилмоқда.
Жиноят кодексининг 168-моддаси 2-қисмида кўрсатилган жиноятни содир этган шахс 5 йилгача озодликдан маҳрум қилиш билан жазоланиши мумкин.
Мавзуга доир:
- Тошкентда масжид қурилишига эҳсон қилиш баҳонасида қарийб 34 млн сўм пулни ўзлаштирган фирибгар қўлга олинди
- Бухорода ногирон фуқаро учун эҳсон йиғиш баҳонасида салкам 9 млн сўм пулни ўзлаштирган фирибгарга жиноят иши қўзғатилди
- Telegram’да канал очиб, қизларнинг телефон рақами ва порнографик материаллар тарқатган шахсга чора кўрилди
Изоҳ (0)