Илм-фан ва таълим соҳаларини Олмазор тумани учун муҳим «ўсиш нуқтаси»га айлантириш керак. Бу ҳақда Президент Шавкат Мирзиёев 12 июнь, жума куни Олмазор туманига ташрифи вақтида айтиб ўтди.
Ўзбекистондаги энг йирик олий таълим муассасаларининг тўрттаси — Ўзбекистон Миллий университети, Тошкент давлат техника университети, Тошкентдаги Турин политехника университети ва Тошкент тиббиёт академияси Олмазорда жойлашган.
«Бугун янгидан барпо этилган Математика институтини бориб кўрдик. Туманда бу каби илмий муассасалар кўп», — дея таъкидлади Шавкат Мирзиёев.
Президент масъулларга туманни илм-фан ва таълим ривожланган намунали ҳудудга айлантириш концепциясини тайёрлаш ҳақида кўрсатма берди.
Изоҳ (0)