«Пахтакор» клуби бош мураббийи Шота Арвеладзе «Матч ТВ»га берган интервьюсида тошкентликлар бошқарувига келганидан сўнг мухлислар ташрифи ортганини таъкидлаб ўтди.
— Сиз «Пахтакор»га келганингиздан сўнг стадионда мухлислар ташрифи ошдими?
— Ҳааа. Авваллари 500—900 томошабин келарди, ҳозирда эса — 20 минг. Чемпионлар Лигасида эса ўттиз минглик стадион тўлади. Яқинда биз Осиёдаги энг муҳташам стадионлардан бирига эга бўламиз ва янада кўпроқ мухлис йиғамиз.
«Пахтакор» раҳбариятининг футбол билан яшаши менга ёқади, улар ўзгалар фикрига қулоқ тутади ва мураббийга қийин бўлган дамларда ёрдамга келади, — дейди Арвеладзе.
Маълумот учун, жорий мавсум «шерлар» Суперлигадаги дастлабки учта ўйинни ҳам ўз майдонида ўтказди ва уларда қуйидаги кўрсаткичлар қайд этилди: «Навбаҳор» — 15 320 томошабин, «Бухоро» — 6734 ва «Металлург» — 5324. ОЧЛ—2020 доирасидаги «Шабоб ал-Аҳли»га қарши баҳсда 10,4 минг ва «Шаҳр Ходро» билан ўйинда 19,4 минг томошабин ташриф буюрган.
Суперлига 2019 йилги мавсумида эса «Пахтакор» стадионида ташриф ҳар бир ўйинда ўртача 7521 нафарни ташкил қилган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)