Майк Тайсон MMA афсонаси билан жанг учун таклиф қилинган 18 млн долларлик шартномани рад этди

Бокс бўйича супероғир вазн тоифасида собиқ Жаҳон чемпиони Майк Тайсон кўргазмали жанг ўтказиш борасидаги таклифни рад этди.

BJPэннънинг хабар қилишича, Баре Кнуcкле Фигҳтинг Championship (БKFC) промоушени спортга қайтганини эълон қилган Тайсонга MMA афсонаси Вандерлей Сильва билан жанг қилиш таклифи билан чиқди. Бунинг учун Тайсонга 18 миллион доллар таклиф қилинган. Аввалроқ ташкилот раҳбари мазкур жанг учун 20 миллион доллардан воз кечишга тайёр эканини айтганди.

Таъкидланишича, Тайсон қўлқопсиз ўтадиган жангларда қатнашмоқчи эмас ва шу сабаб ушбу таклифга рад жавобини берган.

Эслатиб ўтамиз, 53 ёшли бокс афсонаси хайрия мақсадида кўргазмали жангларда иштирок этишга тайёр эканини маълум қилганди. У профессионал боксда 56 та жанг ўтказиб, уларнинг 50 тасида ғалаба қозонган (44 нокаут) ва олти бор мағлубиятга учраган.

Маълумот учун, БKFC — бокс қоидалари бўйича қўлқопларсиз ўтадиган жанг санъати ҳисобланади.