Бухоро вилоятида 7 нафар, Самарқанд вилоятида 6 нафар ва Наманган вилоятида 3 нафар, жами 16 нафар коронавирус инфекциясига чалинган бемор 10 июнь куни соғайиб, реабилитацияга кузатилди, деб хабар бермоқда ССВ матбуот хизмати.
Бухорода жами касаллик қайд этилганлар сони 466 нафар бўлиб, эндиликда шундан 457 нафари тузалди. Айни пайтда вилоятда даволанаётганлар сони 5 нафарни ташкил этмоқда.
Самарқандда жами касаллик аниқланганлар сони 381 нафар бўлиб, эндиликда шундан 327 нафари соғайди, касалхонада 52 нафар бемор даволанмоқда.
Наманганда эса шу пайтгача 270 ҳолатда касаллик қайд этилган. Эндиликда вилоятда тузалганлар сони 254 нафарга етди. Беморларнинг яна 12 нафари даволанишда давом этмоқда.
Эслатиб ўтамиз, Ўзбекистонда коронавирусдан тузалганлар сони 3459 кишини ташкил этаётганди. Эндиликда улар сони 3475 нафарга етди.
Касалланганларнинг умумий сони эса 10 июнь соат 10:00 ҳолатига кўра 4547 нафарни ташкил этмоқда. Вирус асоратларидан 18 киши вафот этган.
Изоҳ (0)