Андижонда маст ҳолда светофор ўрнатилган темир тўсинга чиқиб олиб, томоша кўрсатган фуқаро 15 суткага қамалгани ҳақида хабар берилганди. Таъкидланишича, фуқаро ҳокимлик ва суд ўртасида сарсон бўлгани сабаб шу каби йўл мажбур бўлган. Бу ҳақда MY5 каналининг «Ҳудуд» дастурида маълум қилинди.
«Ҳокимиятга борсак, судга бор деди. Судга келсак, вилоят ҳокимлигига бор деди. Ўртада сарсон қилиб юборди. Бизнинг ота-онамиз йўқ, шароитимиз оғир. Меҳрибонлик уйида катта бўлганмиз. Иложим қолмагани сабаб шу ишни қилдим», — дейди фуқаро.
Фуқаро О.Р. Андижон шаҳридаги «Саноат» МФЙда жойлашган яшаш хонадонининг 15 кун аввал ҳокимлик вакиллари келиб бузилиши ҳақида айтганидан сўнг шундай йўл тутишга қарор қилган. Ҳуқуқбузар ИИБ, Миллий гвардия ва ФВВ ходимлари ёрдами билан махсус тўрга сакраб тушган ва жиддий жароҳат олмаган. Текширув чоғида унинг спиртли ичимлик ичгани маълум бўлган.
Мутасаддиларнинг таъкидланишича, мазкур ишини ўрганишганда у ноқонуний уйда яшаши, доимий яшаш жой эса Хўжаобод туманида эканлиги маълум бўлган ва у ҳокимликка ариза билан мурожаат қилмаган.
О.Р.га Маъмурий жавобгарлик тўғрисидаги кодекснинг 54-моддаси 1-қисми билан базавий ҳисоблашнинг 2 баравари миқдорида жарима, мазкур кодекснинг 183-моддаси билан 15 сутка маъмурий қамоқ жазоси тайинланган.
Мавзуга доир:
Изоҳ (0)