Ўзбекистонда енгил автомобиллар мисолида импорт қилинадиган транспорт воситалари нархи утилизация йиғими ва акциз солиғини ҳисобига қанчага ўзгариши Norma экспертлари томонидан ҳисоблаб чиқилди.
Эслатиб ўтамиз, Ўзбекистонда 1 августдан бошлаб айрим транспорт воситаларини олиб кириш учун акциз солиғи ставкалари бекор қилинади ва утилизация йиғимлари жорий этилади.
Масалан, ҳажми 1000 куб сантиметрдан ортиқ бўлмаган двигателга эга автомобилнинг нархи — 6000 доллар.
2020 йил 1 августга қадар:
- Божхона тўлови — 3240 доллар (автомобиль ўртача нархининг 54 фоизи);
- Акциз солиғи — 1920 доллар (автомобиль ўртача нархининг 32 фоизи);
- ҚҚС — 1674 доллар(автомобиль ўртача нархининг, божхона тўлови ва акцизнинг 15 фоизи);
- Божхона йиғими — 25 доллар;
- Утилизация йиғими — 0.
2020 йил 1 августдан кейин:
- Божхона тўлови — 3240 доллар (автомобиль ўртача нархининг 54 фоизи);
- Акциз солиғи — 0;
- ҚҚС — 1386 доллар (автомобиль ўртача нархининг, божхона тўлови ва акцизнинг 15 фоизи);
- Божхона йиғими — 25 доллар;
- Утилизация йиғими — 659 доллар (БҲМнинг 30 баравари долларда).
Шу билан бирга, ҳажми 3000 куб сантиметрдан ортиқ бўлган ва 3500 куб сантиметрдан юқори бўлмаган двигателга эга автомобилнинг нархи 30 000 доллар. 1 августдан унинг нархи 6740 долларга арзонлашади.
«Шундай қилиб, 1000 куб сантиметргача бўлган ҳажмли двигателга эга автомобиллар нархи 12 фоизга, 3000 куб сантиметрдан ортиқ бўлган ва 3500 куб сантиметрдан юқори бўлмаган ҳажмли двигателга эга автомобиль нархи эса 10 фоизга арзонлайди», — дейилади хулосада.
Изоҳ (0)