Toyota RAV4 гибридини тақдим этди. Машина ёқилғи шохобчаларисиз 1300 километр йўл боса олади

Японияда уйдаги розетка ёрдамида қувватлантириш мумкин бўлган Toyota RAV4 гибриди совутга чиқди. Ушбу кроссовер стандарт моделидан икки баробар қиммат туради, бироқ компания уни энг тежамкор версия деб атамоқда. Модель ёқилғисиз 1,3 минг километргача йўл босишга қодир, деб хабар беради Motor.

Япон бозорида RAV4 нархи 4,7 миллион иенадан (42 минг доллар) бошланади, анъанвий ички ёнув двигателига эга шу турдаги кроссоверлар нархи эса 2,6 миллион иенага (22,5 минг доллар) тенг. Ушбу гибридни биргаликда 306 от кучини тақдим этишга қодир 2,5 литрли бензин дивгатели ва электромотор ҳаракатга келтиради. Бу қувватланиш функцияси мавжуд бўлмаган RAV4 гибридидан 83 от кучига кўп демак.

Кроссовер соатига 100 километр тезликка олти сонияда эришади.

«Бу каби RAV4 нафақат оддий розеткадан қувват олади, балки ўзи ҳам электр энергия манбаси сифатида ишлайди — унинг ёрдамида кучланиши 100 волт бўлган 1,5 киловаттли маиший буюмларни қувватлантириш мумкин», — дейилади хабарда.

Машина E-Four electric 4WD тизими билан жиҳозланган бўлиб, у юкни кроссовернинг барча тўрт ғилдирагига тақсимлаш вазифасини бажаради, шунингдек, машинада смартфон ёрдамида бошқариш мумкин бўлган иқлим-назорати ҳам мавжуд.

Гибрид стандарт моделдан кўк фонга эга Toyota логотипи, қўшимча қувватлантириш люки ва радиатор панжараси билан фарқ қилади.