Германиянинг Elektron Innovativ фирмаси Италиянинг Scuderia-E ҳамда электр энергиясини сақлаш тизимини ишлаб чиқарувчи Туркиянинг Imecar компанияси билан биргаликда мегаваттли One суперкарини яратмоқда, деб хабар беради Motor.
Elektron Innovativ компанияси машинанинг техник тавсифини батафсил ошкор этишни маъқул кўрмаган, шу сабабли One ҳақида минимум маълумотлар мавжуд. Суперкар монококи углепластик, арамид ва биотолалар аралашмасидан ишланган бўлиб, структураси аккумулятор модули билан интеграциялашган. Модель бир мегаватт ёки 1360 от кучига эга бир неча электромотор ёрдамида ҳаракатга келади. Электрон One тақдим этилиши билан «Формула E» чемпионати учун италян-турк жамоаси ҳам шакллантирилади, улар компаниянинг кейинги моделларини синовдан ўтказади.
Режага кўра, учта модель тақдим этилади. Биринчиси, One’нинг очиқ версияси, шунингдек, трек учун енгиллаштирилган вариант. Беш йилдан сўнг, Elektron Innovativ пойга технологияларига эга гиперкарни тақдим этиш ниятида. Бундан ташқари, бренд линейкасидан электромотоцикл ҳам ўрин олиши мумкин. Компания ҳозирча йилига 140 нусхадаги суперкарларни ишлаб чиқаришни режалаштирмоқда, кейинроқ ушбу кўрсаткич 500 нусхага чиқарилади. One моделларининг нархи 300-350 минг евро атрофида бўлади, бу эса унинг оммабоплигини оширишга хизмат қилади.
Мавзуга доир:
Изоҳ (0)