Yaponiyada uydagi rozetka yordamida quvvatlantirish mumkin bo‘lgan Toyota RAV4 gibridi sovutga chiqdi. Ushbu krossover standart modelidan ikki barobar qimmat turadi, biroq kompaniya uni eng tejamkor versiya deb atamoqda. Model yoqilg‘isiz 1,3 ming kilometrgacha yo‘l bosishga qodir, deb xabar beradi Motor.
Yapon bozorida RAV4 narxi 4,7 million iyenadan (42 ming dollar) boshlanadi, an’anviy ichki yonuv dvigateliga ega shu turdagi krossoverlar narxi esa 2,6 million iyenaga (22,5 ming dollar) teng. Ushbu gibridni birgalikda 306 ot kuchini taqdim etishga qodir 2,5 litrli benzin divgateli va elektromotor harakatga keltiradi. Bu quvvatlanish funksiyasi mavjud bo‘lmagan RAV4 gibrididan 83 ot kuchiga ko‘p demak.
Krossover soatiga 100 kilometr tezlikka olti soniyada erishadi.
“Bu kabi RAV4 nafaqat oddiy rozetkadan quvvat oladi, balki o‘zi ham elektr energiya manbasi sifatida ishlaydi — uning yordamida kuchlanishi 100 volt bo‘lgan 1,5 kilovattli maishiy buyumlarni quvvatlantirish mumkin”, — deyiladi xabarda.
Mashina E-Four electric 4WD tizimi bilan jihozlangan bo‘lib, u yukni krossoverning barcha to‘rt g‘ildiragiga taqsimlash vazifasini bajaradi, shuningdek, mashinada smartfon yordamida boshqarish mumkin bo‘lgan iqlim-nazorati ham mavjud.
Gibrid standart modeldan ko‘k fonga ega Toyota logotipi, qo‘shimcha quvvatlantirish lyuki va radiator panjarasi bilan farq qiladi.
Izoh (0)