Apple компанияси iPhone 12’ни ҳали тақдим этишга улгурмасидан, Япониянинг Macotakara сайти 2021 йилги iPhone моделининг видеоси ва суратларини эълон қилди, деб хабар беради Hi-Tech.Mail.ru.
Эълон қилинган макет Apple компанияси 2021 йилда тақдим этиши керак бўлган iPhone 13’нинг чизмалари асосида яратилган. Смартфонга 5,5 дюймли дисплей, ихчам корпус ва бешта камера ўрнатилган.
Тахминларга кўра, ушбу макет анча олдинги маълумотлар асосида тайёрланган ва у бир неча ўнлаб дизайнлардан бири бўлиши мумкин. iPhone’нинг ушбу версиясида экраннинг тепа қисмидаги «қош» йўқолган, четки ҳошиялари эса замонавий моделларникидан ингичка. Манбага ишониладиган бўлса, қурилманинг фронтал камераси экран остига яширилган.
iPhone 13’нинг орқа томонига 5 та кемара хоч шаклида ўрнатилган. Бу iPhone 13’да асосий, кенг ўлчамли, телефото, лидар (3D-камера) ва анаморф объективга эга алоҳида видеокамера пайдо бўлиши тўғрисидаги миш-мишларни тасдиқлайди.
Шунингдек, прототипга Lightning разёми ўрнига универсал USB Type-C ўрнатилган. Шу билан бирга, Apple келгуси йилда умуман разём ва тешикларга эга бўлмаган смартфонни тақдим этиши ҳақида маълумотлар ҳам бор.
Аввалроқ Apple компанияси коронавирус сабаб саккиз йилдан бери биринчи бор янги iPhone моделлари тақдимотини сентябрь ойидан бошқа санага кўчиришга мажбур бўлгани ҳақида хабар берилганди.
Изоҳ (0)