Тошкент шаҳридаги Кичи ҳалқа йўли кўчасида ва ушбу кўча билан бошқа кесишмаларда йўлни таъмирлаш ишлари амалга оширилади. Бу ҳақда Тошкент шаҳар ҳокимлиги матбуот хизмати хабар қилган.
Хабарга кўра, 8 июнь куни соат 23:00 дан Фарғона йўли ва Кичиқ халқа йўли кўчалари кесишмасидан Фарғона йўли кўчасининг 8 март кўчаси билан кесишмасигача бўлган автомобиль йўлининг бир томонида қайта таъмирлаш ишлари бошланади.
Шунингдек, Фарғона йўли кўчасининг Мухтор Ашрафий кўчаси билан кесишмасидан Жарқўрғон кўчаси кесишмасига бўлган оралиқдаги кўприкнинг бир томонлама ҳаракатланиш қисмида ҳам реконструкция ишлари бажарилади.
Пойтахт ҳокимлиги ҳайдовчиларга юзага келиши мумкин бўлган тирбандликларнинг олдини олиш мақсадида айланма йўллардан фойдаланишни тавсия қилган.
4 июнь куни Тошкент ҳалқа автомобиль йўли устидан ўтувчи автомобиль кўпригининг бир қисми таъмирлаш ишлари сабаб автомобиллар ҳаракати учун вақтинча ёпилиши хабар қилинган. Аввалроқ эса Сергелида туман ҳокимлигидан Ўзгариш кўпригигача бўлган йўл вақтинчалик ёпилганди.
Изоҳ (0)