Facebook’да эски постларни ўчириш ва архивлаш имконини берадиган шахсий маълумотларни бошқариш функцияси пайдо бўлди. Бу ҳақда компания блогида маълум қилинди.
Маълум қилинишича, ижтимоий тармоқ фойдаланувчиси ўзи томонидан жойлаштирилган постни бошқалардан яшириб, сақлаб қўймоқчи бўлса, энди уни архивга жўнатиши мумкин. Эски постларни ўчириш учун эса, уни «корзинка»га жойлаштириш керак — пост у ерда 30 кун сақланади (фойдаланувчи фикридан қайтиб қолиши ҳам мумкин), шундан сўнг, қайта тиклаб бўлмайдиган тарза ўчиб кетади.
Модерация жараёни қулай бўлиши учун ижтимоий тармоқ битталаб эмас, гуруҳлаб ўчириш ёки архивлаш имкониятини қўшди. Филтрлар ёрдамида постларни санасига қараб ёки аниқ бир инсон номига алоқадорларни ўзаро бирлаштириш мумкин.
Январь ойининг охирларида ижтимоий тармоқ ташқи веб-сайт ва иловалар йиғиши мумкин бўлган маълумотларни ўчиришга ёрдам берадиган «Facebook’дан ташқаридаги ҳаракат» функциясини қўшган эди. Ушбу функция ёрдамида бошқа сайтлар ва дастурларга кирилгани тўғрисидаги маълумотларни ўчириб ташлаш мумкин.
Изоҳ (0)