«Манчестер Сити» клуби ва Бразилия терма жамоаси ҳужумчиси Габриэль Жезус АҚШдаги норозилик ва тартибсизликлар ҳақида гапирди ҳамда Black Lives Matter ҳаракатини қўллаб-қувватлади.
«Ирқчилик бугун ёки кеча пайдо бўлмаган. Бу нормал ҳолат эмас.
Мен зўравонликка ёки ҳар қандай тартибсизликка қаршиман. Лекин тинч йўл билан норозилик билдираётган ва ирқчиликка қарши чиқаётганларни қўллаб-қувватлайман. Биз «қора танли одамнинг ҳаёти муҳим» деганимизда, унинг маъносини тўғри тушунишимиз керак. Бу билан биз бошқа ҳаётлар муҳим эмас дейишдан йироқмиз. Биз ирқчиликка дучор бўлаётган қора танлиларнинг ҳаёти муҳим демоқчимиз.
Вазиятни умумлаштирмаслик зарур. Ҳамма ҳам ирқчи эмас, аксарият инсонлар бундан йироқ. Лекин ирқчилар ҳам кўпчиликни ташкил қилади, гўё бу одамларнинг мияси йўқдек.
Шундай экан, биз ушбу иборани айтганда, ирқчилик қурбони бўлиш нима эканини билишимизни назарда тутамиз. Бу жудаям аламли туйғу», — дейди Жезус.
Аввалроқ «Фиорентина» ярим ҳимоячиси Кевин-Принс Боатенг ҳам ирқчиликка бўлган муносабатини билдирганди.
Эслатиб ўтамиз, Миннеаполис шаҳри полицияси вакили 25 май куни 46 ёшли афроамерикалик Жорж Флойдни қўлга олиш чоғида уни тутиб, ерга ётқизган ва тиззаси билан бўйнини босган. Полициячи Дерек Шовин уни шу тариқа узоқ вақт ушлаб туриши Жорж Флойднинг ўлимига сабаб бўлган. Ҳолат акс этган видео ижтимоий тармоқларда тарқалгач, АҚШнинг турли ҳудудларида норозилик намойишлари бошланган.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)