Италия футбол федерацияси (FIGC) А Серия учрашувларида жорий мавсум охиригача ўйин давомида бештагача захира алмаштиришини амалга оширишга рухсат берди.
Мазкур қарор коронавирус билан боғлиқ танаффусдан сўнг футболчиларнинг эҳтимолий жароҳатларини камайтириш учун қабул қилинди. Жамоалар ўйин давомида уч имкониятда ва танаффус вақтида алаштиришларни амалга ошириши мумкин. Италия Кубоги баҳсларида қўшимча бўлимлар тайинланадиган бўлса, у ҳолда тўртинчи интервалга рухсат берилади. Мазкур қарор 2019/20 йилги мавсум охирагача амал қилади ва B Серия ўйинларига ҳам таалуқли бўлади.
Аввалроқ ФИФА жорий мавсум якунига қадар бешта захира имкониятидан фойдаланишга рухсат берган, бироқ якуний қарорни миллий лигаларнинг ўзига қолдирганди.
Эслатиб ўтамиз, А Серия ўйинлари 20 июндан давом этади. Ундан аввал эса 12-13 июнь кунлари Италия Кубоги ярим финал жавоб баҳслари доирасидаги ўйинлар ўтказилади. Финал эса 17 июнга мўлжалланган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)