2020 йил 4 июнь куни Хоразм вилоятининг айрим ҳудудларида кучли шамол эсиши кузатилиб, унинг тезлиги баъзи жойларда 65-70 км/соатни ташкил қилган. Бу ҳақда «Хоразм ҳудудий электр тармоқлари» корхонаси хабар берган.
Хабарга кўра, шамол асосан Ҳазорасп, Гурлан, Шовот, Боғот, Хонқа туманларида нисбатан кучлироқ бўлиб, хонадонларнинг енгил конструкцияли томларига зарар етказган. Бундан ташқари электр симёғочлари қўпорилиб, электр тармоқлари қаттиқ шикастланган.
Гурлан туманининг «Пахтакор» маҳалласида уйлар томи электр тармоқлари устига тушиши оқибатида 0,4 киловаттли электр тармоғи, 2277, 2041, 2046-сонли трансформаторларга шикаст етган. Шовот тумани Бўйрачи қишлоғидаги 6054, 6351, 6066, 6041-сонли трансформаторидан ўтган 0,4 киловаттлик ҳаво тармоқларида ҳам авария юз берган.
«Хоразм ҳудудий электр тармоқлари» АЖ томонидан табиий офат оқибатларини бартараф этиш бўйича барча зарур чора-тадбирлар кўрилиб, ходимлар ва техника ресурслари электр таъминотини тиклаш ишларига жалб қилинган, дейилади хабарда.
Мавзуга доир: Хоразмда яна кучли шамол кузатилди: томлар учиб кетган, кўплаб дарахт ва симёғочлар қулаган (фото)
Изоҳ (0)