Нидерландия терма жамоаси таркибида Жаҳон ва Европа чемпионатларида совриндор бўлган Уэсли Снейдер ўз фаолияти ҳақидаги фикрлари билан ўртоқлашди.
«Лионель Месси ёки Криштиану Роналду каби бўлишим мумкин эди. Аммо мен шунчаки буни хоҳламаганман.
Мен ҳаётдан завқланиб яшадим, баъзида кечки овқат пайтида спиртли ичимликларни истеъмол қилишим мумкин эди.
Месси ва Криштиану — бутунлай ўзгача, улар фаолияти учун жуда кўп нарсаларни қурбон қилган.
Шунга қарамай, ҳеч нарсадан афсусланмайман, менинг фаолиятим барибир ажойиб ўтди деб айта оламан», — дейди Снейдер.
Маълумот учун, Снейдер «Аякс» академиясидан етишиб чиққан ва фаолияти давомида қадрдон клубидан ташқари «Реал», «Интер», «Ницца», «Галатасарай» каби жамоаларда тўп сурган. Шунингдек, у ўтказилган ўйинлар сони бўйича Нидерландия терма жамоаси рекордчиси ҳисобланади. Снейдер 2019 йилда фаолиятини якунлаган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)