Фарғонада 31 май куни соат 10:00 ларда номаълум шахс 37 ёшли З.Т.га қўнғироқ қилиб, уни учрашувга таклиф этган. Учрашув вақтида у аёлни калтаклаб, қулоғидаги зиракларни олиб қочган. Бу ҳақда ИИВ ҳузуридаги Тергов департаменти хабар берди.
Маълумотларга кўра, номаълум шахс З.Т.га ўзининг яшаш уйини кўрсатиш баҳонасида уни хилват жойга олиб борган ва қўллари билан уни ура бошлаган. Шундан сўнг, аёлнинг қулоғидаги баҳоси 2,1 миллион сўмлик зиракларини ечиб олиб, ҳодиса жойидан яширинган.
ИИБ ходимлари томонидан олиб борилган тезкор-қидирув ҳаракатлари натижасида, ушбу жиноятни 27 ёшли А.А. содир этганлиги аниқланиб, З.Т.га тегишли 2 дона тилла зирак ўрнатилган тартибда олинган.
Ҳолат юзасидан Тергов бўлими томонидан Жиноят кодексининг 166-моддаси 2-қисми «а» банди («Талончилик») билан жиноят иши қўзғатилган. Жиноят иши бўйича А.А. гумон қилинувчи тариқасида жалб қилиниб, процессуал тартибда ушланган.
Изоҳ (0)