Қозоғистоннинг Туркистон вилояти ҳокими Ўмирзақ Шўкеев шаҳарга кираверишда қад ростлаётган янги масжид қурилиши билан танишди. Ушбу масжид қурилиши 2019 йилда бошланган ва у Ўзбекистоннинг Қозоғистонга қилган совғаси ҳисобланади, деб ёзмоқда Kazinform.
Хабарга кўра, ушбу лойиҳа Ўзбекистон Президенти Шавкат Мирзиёев томонидан қўллаб-қувватланмоқда. Туркистон шаҳрида барпо этилаётган масжиднинг умумий майдони 5 минг квадрат метрни ташкил қилади. Масжиднинг ташқарисида 3 минг киши намоз ўқиши мумкин. Архитектура мажмуасида диний маросимлар ўтказиладиган жойлар, конгресс зали, тўй саройи, 180 ўринли мадраса, кутубхона, ошхона, спорт майдончаси, 500 та машинага мўлжалланган автопарк ва ажойиб фаввора бўлади.
Шунингдек, хабарда Туркистон вилояти марказида яна бир нечта объектларнинг қурилиши якунланаётгани, уларнинг аксариятида ички безатиш, коммунал тармоқларни ўрнатиш ва ташқи ободонлаштириш ишлари бажарилгани, қурилиш ишлари икки сменада олиб борилаётгани қайд этилган.
Мавзуга доир:
- Қозоғистонда Алишер Усмонов ажратган хайрия пуллари тошқиндан жабрланган аҳолига тарқатила бошланди
- Абдулла Арипов Қозоғистонда тошқиндан жабрланганларга қуриладиган уйларга пойдевор қўйишда иштирок этди
- Сув тошқини сабаб хавфсиз ерга кўчирилган Қозоғистоннинг Туркистон вилояти аҳолиси қандай ҳаёт кечирмоқда? (фото)
Изоҳ (0)