Тозаланаётган табиат, битирув кечасидаги ўқувчилар ўрнини эгаллаган роботлар, Crew Dragon космик кемасининг учирилиши, АҚШдаги тартибсизликлар. Esquire нашри май ойидаги энг муҳим ҳодисаларни ўзида жамлаган 10 та суратни тақдим этди.
Жанубий Кореянинг Инчхон шаҳридаги баскетбол мусобақасини тасвирга олаётган оператор. Пандемия туфайли мусобақа ташкилотчилари ўриндиқлар устига ниқоб таққан одамларнинг суратини осиб қўйди.
Crew Dragon космик кемасининг учирилишини кузатаётган АҚШ президенти ва вице-президент Майк Пенс.
Миннеаполисдаги ёнаётган ресторан фонидаги норозлик намойиши иштирокчилари. Афро-америкалик Жорж Флойднинг ўлимидан сўнг АҚШнинг ўнлаб шаҳарларида оммавий тартибсизликлар ҳукм сурмоқда. Жорж Флойд полициячи томонидан қўлга олиниб, асфалтга ётқизилганида, ўлими олдидан «Мен нафас ололмаяпман», деди. Унинг ушбу сўнгги сўзлари норозилик намойишлари шиорига айланди.
Филиппиндаги кибер битирув кечаси. Бутун дунёдаги кўплаб мактабларда битирувчилар ўрнига роботлардан фойдаланилди.
Шакитто лақабли тюлен ҳамда унга қаровчи ходим Токиодаги бўм-бўш аквапаркда сайр қилмоқда.
Мавзуга доир: Ўйчанлик, ҳайрат, қувонч. Жониворлар ҳам ҳис-туйғуларини ифода эта олишининг исботи — суратларда
Владивосток устидаги қуюқ туман. Приморск ўлкаси жануби ва соҳил бўйида туманлар мавсуми апрелда бошланиб, сентябргача давом этади.
Шерлар Жанубий Африка республикасидаги Zabeze Delta Conservation қўриқхонасига олиб кетишга тайёрланмоқда. Бу ерларда браконьерлар туфайли бир неча йиллардан буён биронта йиртқич ҳайвон яшамаган. Ҳайвонларни ҳимоя қилувчи ташкилот вакиллари шерларнинг қирилиб кетишига қарши курашмоқда.
Шри-Ланкадаги пандемия шароитида ўтказилаётган концерт.
Бангкок аҳолиси кузатган «Булутлар тошқини» ноёб ҳодисаси. Бунда майда сув томчилари қуёш нурини ўзига хос тарзда тарқатади.
Хитойда экстремал шароитларда машғулотлар ўтаётган офицер ва аскарлар.
Мавзуга доир: Фото: Ўз-ўзини изоляциялаш мавзусидаги энг яхши суратлар
Изоҳ (0)