«Манчестер Юнайтед»нинг асосий трансфер мақсадлари маълум бўлди

«Манчестер Юнайтед» ёзги трансфер ойнасидаги мақсадларини белгилаб олди.

Манкунианлар шорт-листидан «Боруссия Д» вингери Жейдон Санчо, «Астон Вилла» ярим ҳимоячиси Жек Грилиш ва «Суонси» ҳимоячиси Жо Родон ўрин олган.

Грилиш трансфери катта эҳтимол билан содир бўлмайди. Сабаби Пол Погба жамоани тарк этмаслиги ойдинлашмоқда. Коронавирус сабаб юзага келган инқироз вақтида «Юнайтед» франциялик футболчи учун талаб қилаётган пулни бирорта жамоа тўлай олишига шубҳа бор.

Родон сотиб олинган тақдирда Манчестер шаҳри клуби аввалдан кузатиб келган Дайо Упамекано («Лейпциг») ва Калиду Кулибали («Наполи») каби қиммат футболчилар трансферидан воз кечади.

Шунингдек, «Манчестер Юнайтед» нишонида бўлган яна бир неча футбочлилар бор: «Вулверҳэмптон» форварди Рауль Хименес ва «Вест Ҳэм» ярим ҳимоячиси Деклан Райс.

The Independent хабарига кўра, «қизил иблислар» «Манчестер Сити» ҳужумчиси Раҳим Стерлинг вариантини ҳам кўриб чиқмоқда. «Юнайтед» икки йилга Чемпионлар Лигасидан четлатилган «шаҳарликлар» футболчини трансферга қўйишидан умидвор.

«Манчестер Юнайтед» Стерлинг трансферига катта урғу берган. Бироқ Англия терма жамоаси вингери «Сити»ни тарк этган тақдирда «Реал»га йўл олиши тахмин қилинмоқда.