Мадрид қизил рангга бўялган кун. Бундан бир йил аввал «Ливерпуль» Чемпионлар Лигаси ғолиблигини қўлга киритганди (фотогалерея)

2019 йилнинг 1 июнь оқшомида Мадриддаги «Ванда Metropolitanо» стадионида Европа Чемпионлар Лигаси 2018/19 йилги мавсумининг финал учрашуви бўлиб ўтади. Ҳал қилувчи баҳсда Англиянинг икки клуби — «Ливерпуль» ва «Тоттенҳэм» ўзаро баҳс олиб боради.

Ярим финаллардаги фантастик тўқнашувлардан сўнг финал у қадар ёрқин ўтмаган бўлса-да, унда бир талай эсда қоларли вазиятлар содир бўлган.

Учрашув аввалидаёқ пенальти ишлаб олган мерсисайдликлар 2-дақиқада Муҳаммад Салоҳнинг голидан кейин олдинга ўтиб олади. 87-дақиқада эса Юрген Клоппнинг «сеҳрли таёқча»си Дивок Ориги финалга якуний нуқтани қўяди.

Учрашув тафсилотларига тўхатилиб ўтирмаймиз, уларнинг барчаси қуйидаги видеода акс этган:

Финал ҳуштагидан кейинги ёрқин фотосуратларни эътиборингизга ҳавола қиламиз: биргаликда эслаймиз, куламиз ва йиғлаймиз!