Самарқанд вилояти ҳокими Эркинжон Турдимов 1 июнь куни қилган жамоатчилик олдида қилган чиқишида ҳудудда коронавирус инфекциясини юқтириб олишга доир айрим рақамларни айтиб ўтди.
Маълум бўлишича, Самарқанд вилоятида касалланганларнинг 45 нафари тиббиёт ходимлари, 42 нафари вақтинча ишсизлар, 36 нафари мактаб ўқувчилари, 10 нафари солиқчилар, 6 нафари банкирлар, 5 нафари газ таъминоти корхонаси ходимларидир.
«Бундан ташқари икки нафар етказиб бериш хизматидаги такси ҳайдовчиси ҳам касаллик юқишига сабабчи бўлган. ‘Доставкачи’ жуда кўп жойга борган, ўзига яраша катта касалланиш доирасини ҳосил қилган», — деди Самарқанд вилояти ҳокими.
Маълумот учун, Самарқанд вилоятида 31 май соат 23:00 ҳолатига кўра жами 362 та касалланиш ҳолати аниқланган, беморларнинг 281 нафари (78 фоизи) аллақачон соғайиб, реабилитацияга олинган, икки нафар бемор эса вирус асоратларидан вафот этган.
Изоҳ (0)