Samarqand viloyati hokimi Erkinjon Turdimov 1-iyun kuni qilgan jamoatchilik oldida qilgan chiqishida hududda koronavirus infeksiyasini yuqtirib olishga doir ayrim raqamlarni aytib o‘tdi.
Ma’lum bo‘lishicha, Samarqand viloyatida kasallanganlarning 45 nafari tibbiyot xodimlari, 42 nafari vaqtincha ishsizlar, 36 nafari maktab o‘quvchilari, 10 nafari soliqchilar, 6 nafari bankirlar, 5 nafari gaz ta’minoti korxonasi xodimlaridir.
“Bundan tashqari ikki nafar yetkazib berish xizmatidagi taksi haydovchisi ham kasallik yuqishiga sababchi bo‘lgan. ‘Dostavkachi’ juda ko‘p joyga borgan, o‘ziga yarasha katta kasallanish doirasini hosil qilgan”, — dedi Samarqand viloyati hokimi.
Ma’lumot uchun, Samarqand viloyatida 31-may soat 23:00 holatiga ko‘ra jami 362 ta kasallanish holati aniqlangan, bemorlarning 281 nafari (78 foizi) allaqachon sog‘ayib, reabilitatsiyaga olingan, ikki nafar bemor esa virus asoratlaridan vafot etgan.
Izoh (0)