Ўзбекистонда яна 29 киши касалланди ва коронавирусга чалинганларнинг умумий сони 3583 нафарга етди

Ўзбекистонда 2020 йил 31 май соат 17:00 ҳолатига кўра, яна 29 нафар кишида коронавирус инфекцияси аниқланди ва COVID-19’ни юқтириб олганларнинг умумий сони 3583 нафарга етди. Бу ҳақда Соғлиқни сақлаш вазирлиги хабар берган.

Янги аниқланган касалланиш ҳолатларининг 28 таси карантин марказидаги фуқаролар орасида, биттаси эса Бухоро вилоятида коронавирусга чалинганлар билан мулоқотда бўлиб, карантинга олинган фуқарода қайд этилган.

Эслатиб ўтамиз, Ўзбекистонда коронавирус инфекциясидан фориғ бўлганлар сони охирги бир сутка ичида 54 нафарга кўпайган ва 2837 нафарни ташкил қилмоқда.

Аввалроқ 31 май соат 10:00 ҳолатига кўра, коронавирусга чалинганлар сони саккиз кишига кўпайиб, 3554 нафарга етгани хабар қилинганди. 15 мартда эпидемия бошланганидан бери Ўзбекистонда 14 нафар бемор COVID-19 асоратлари оқибатида вафот этган.