Ўзбекистонда 31 май соат 10:00 ҳолатига кўра коронавирусга чалинганлар сони саккиз кишига кўпайиб, 3554 нафарга етди, дея хабар бермоқда Соғлиқни сақлаш вазирлиги матбуот хизмати.31 май соат 10:00 ҳолатига кўра Ўзбекистонда коронавирусга чалинган беморларнинг 757 нафари даволанишни давом эттирмоқда, улардан тўққиз нафарининг аҳволи оғир, яна бир нафарининг аҳволи эса ўта оғир, деб баҳоланмоқда.
Қайд этишларича, янги аниқланган касалланиш ҳолатларининг учтаси Карантин марказидаги фуқаролар орасида, биттаси Тошкент шаҳрида карантинда бўлган фуқарода, тўрттаси эса Бухоро вилоятида аниқланган.
Бухородаги ҳолатларнинг учтаси Шофиркон туманида — коронавирусга чалинган ҳайдовчи билан мулоқотда бўлиб, карантинга олинган фуқароларда, тўртинчиси эса халқаро юк ташувчи машина ҳайдовчисида аниқланган.
Мавзуга доир: Бухорода коронавирусга чалинган оила билан мулоқот қилган 268 фуқаро карантинга олинди
Ҳозиргача беморларнинг 2783 нафар бутунлай соғайиб, реабилитацияга кузатилгани, 14 нафар бемор эса коронавирус инфекцияси асоратлари оқибатида вафот этгани ҳақида аввал хабар берилган эди.