Афғонистонда коронавирусга чалинганлар сони 14 минг кишидан ошди, Тожикистонда эса 3,7 мингга яқинлашмоқда

Қозоғистонда ўтган бир сутка ичида яна 476 кишида коронавирус инфекцияси аниқланди, деб хабар беради Tengrinews.

Мамлакат бўйлаб касаллар сонининг ортиши 4,6 фоизни ташкил этмоқда. Коронавирусга чалиниш бўйича янги ҳолатлар қуйидаги ҳудудларда аниқланган:

• Нур-Султон шаҳри — 149 (7,6 фоиз);
• Олмаота шаҳри — 117 (4,7 фоиз);
• Қарағанда вилояти — 44 (5,3 фоиз);
• Ғарбий Қозоғистон вилояти — 41 (7,1 фоиз);
• Манғистов вилояти — 31 (13,8 фоиз);
• Қизилўрда вилояти — 25 (7,2 фоиз);
• Чимкент шаҳри — 22 (2,7 фоиз);
• Костанай вилояти — 12 (7,3 фоиз);
• Атирау вилояти — 12 (1,2 фоиз);
• Жамбил вилояти — 7 (1,9 фоиз);
• Туркистон вилояти — 6 (1,7 фоиз);
• Шарқий Қозоғистон вилояти — 5 (4,4 фоиз);
• Олмаота вилояти — 4 (1,1 фоиз);
• Ақмўла вилояти — 1 (0,7 фоиз).

Бутун мамлакат бўйлаб коронавирусга чалинганлар сони 10 858 кишига етган. Ҳозирга қадар 5220 киши соғайган, 38 киши вирус қурбонига айланган.Қирғизистонда ўтган бир сутка ичида яна 26 кишида коронавирус аниқланди. Бу ҳақда мамлакат Соғлиқни сақлаш вазирлиги хабар берди.

Янги аниқланган беморларнинг 12 нафари Норин вилояти ҳисобига тўғри келади. Бишкекда ўтган бир сутка ичида 7 кишида, Чуй вилояти ва Ўш шаҳрида 3 кишидан, Ўш вилоятида эса 1 кишида COVID-19 аниқланган.

«Аниқланган 26 ҳолатнинг иккитаси четдан кириб келган — юк машина ҳайдовчиси ва онаси билан хориждан келган болакайда кузатилган. 23 киши эса уй карантинида алоқада бўлганлар. Бир беморга касаллик қаердан юққани аниқланмади», — дейди Қирғизистон соғлиқни сақлаш вазири ўринбосари Нурболот Усенбаев.

Бутун мамлакат бўйлаб коронавирусга чалинганлар сони 1748 кишини ташкил этмоқда. Маълумотларга кўра, ўтган бир сутка давомида коронавирусга чалинган 57 киши соғайган бўлиб, Қирғизистонда касалликдан тузалганларнинг жами сони 1170 кишига етди. Ҳозирда 562 киши шифохоналарда даволанмоқда, бугунгача 16 бемор COVID-19 қурбонига айланган.

Тожикистонда 30 май ҳолатига кўра, коронавирус билан касалланганлар сони 3686 кишини ташкил этмоқда, деб хабар беради «РИА Новости».

Маълумотларга кўра, мамлакатда коронавирусга чалинган беморларнинг 1769 нафари даволанишга муваффақ бўлган, COVID-19 қурбонлари эса кетма-кет уч кундан буён ўзгаришсиз қолмоқда — 47 киши.

Афғонистонда 30 май ҳолатига кўра, коронавирусга чалинганлар сони 866 кишига ортиб, 14 525 кишига етди, деб хабар беради «Интерфакс».

Мамлакатда коронавирус оқибатида вафот этганлар сони 249 кишига етган. Ҳозирга қадар 1303 бемор соғайган.

Таъкидланишича, 24 соат ичида ўтказилган тестларнинг 60 фоизи ижобий натижа кўрсатган. Афғонистон ҳукумати ҳозирга қадар 37 348 кишини коронавирусга тестдан ўтказган ва ўз навбатида теслар ҳажмини оширишга ваъда берган.

Ўзбекистонда 31 май соат 10:00 ҳолатига кўра, коронавирусга чалинганлар сони 3554 нафарга етди. Ҳозиргача беморларнинг 2783 нафар бутунлай соғайиб, реабилитацияга кузатилгани, 14 нафар бемор эса коронавирус инфекцияси асоратлари оқибатида вафот этгани ҳақида аввал хабар берилган эди.