Qozog‘istonda o‘tgan bir sutka ichida yana 476 kishida koronavirus infeksiyasi aniqlandi, deb xabar beradi Tengrinews.
Mamlakat bo‘ylab kasallar sonining ortishi 4,6 foizni tashkil etmoqda. Koronavirusga chalinish bo‘yicha yangi holatlar quyidagi hududlarda aniqlangan:
- Nur-Sulton shahri — 149 (7,6 foiz);
- Olmaota shahri — 117 (4,7 foiz);
- Qarag‘anda viloyati — 44 (5,3 foiz);
- G‘arbiy Qozog‘iston viloyati — 41 (7,1 foiz);
- Mang‘istov viloyati — 31 (13,8 foiz);
- Qizilo‘rda viloyati — 25 (7,2 foiz);
- Chimkent shahri — 22 (2,7 foiz);
- Kostanay viloyati — 12 (7,3 foiz);
- Atirau viloyati — 12 (1,2 foiz);
- Jambil viloyati — 7 (1,9 foiz);
- Turkiston viloyati — 6 (1,7 foiz);
- Sharqiy Qozog‘iston viloyati — 5 (4,4 foiz);
- Olmaota viloyati — 4 (1,1 foiz);
- Aqmo‘la viloyati — 1 (0,7 foiz).
Yangi aniqlangan bemorlarning 12 nafari Norin viloyati hisobiga to‘g‘ri keladi. Bishkekda o‘tgan bir sutka ichida 7 kishida, Chuy viloyati va O‘sh shahrida 3 kishidan, O‘sh viloyatida esa 1 kishida COVID-19 aniqlangan.
“Aniqlangan 26 holatning ikkitasi chetdan kirib kelgan — yuk mashina haydovchisi va onasi bilan xorijdan kelgan bolakayda kuzatilgan. 23 kishi esa uy karantinida aloqada bo‘lganlar. Bir bemorga kasallik qayerdan yuqqani aniqlanmadi”, — deydi Qirg‘iziston sog‘liqni saqlash vaziri o‘rinbosari Nurbolot Usenbayev.
Butun mamlakat bo‘ylab koronavirusga chalinganlar soni 1748 kishini tashkil etmoqda. Ma’lumotlarga ko‘ra, o‘tgan bir sutka davomida koronavirusga chalingan 57 kishi sog‘aygan bo‘lib, Qirg‘izistonda kasallikdan tuzalganlarning jami soni 1170 kishiga yetdi. Hozirda 562 kishi shifoxonalarda davolanmoqda, bugungacha 16 bemor COVID-19 qurboniga aylangan.
Tojikistonda 30-may holatiga ko‘ra, koronavirus bilan kasallanganlar soni 3686 kishini tashkil etmoqda, deb xabar beradi “RIA Novosti”.
Ma’lumotlarga ko‘ra, mamlakatda koronavirusga chalingan bemorlarning 1769 nafari davolanishga muvaffaq bo‘lgan, COVID-19 qurbonlari esa ketma-ket uch kundan buyon o‘zgarishsiz qolmoqda — 47 kishi.
Afg‘onistonda 30-may holatiga ko‘ra, koronavirusga chalinganlar soni 866 kishiga ortib, 14 525 kishiga yetdi, deb xabar beradi “Interfaks”.Mamlakatda koronavirus oqibatida vafot etganlar soni 249 kishiga yetgan. Hozirga qadar 1303 bemor sog‘aygan.
Ta’kidlanishicha, 24 soat ichida o‘tkazilgan testlarning 60 foizi ijobiy natija ko‘rsatgan. Afg‘oniston hukumati hozirga qadar 37 348 kishini koronavirusga testdan o‘tkazgan va o‘z navbatida teslar hajmini oshirishga va’da bergan.
Mavzuga doir: O‘zbekiston pandemiya sababli Afg‘onistonga ko‘rsatiladigan yordamni kengaytirish kerakligini ma’lum qildi
Izoh (0)