Суратга олиш майдончаларида инжиқлик қилишни ёқтирадиган турк актрисалари ҳақида маълумот берамиз.
Фаҳрие Эвжен
Бурак Ўзчивитнинг рафиқаси Фаҳрие Эвжен энг инжиқ ва жанжалкаш актрисалардан бири ҳисобланади.
«Курт Сеит ва Шура» фильмининг суратга олиш жараёнларида актриса ҳамкасби Элчин Сангу билан уришиб қолган. Жанжал шу қадар жиддий эдики, Элчин суратга олиш гуруҳи аъзоларининг кўз ўнгида йиғлаб юборди.
Актриса билан ушбу фильмда бирга роль ижро этган актёр Киванч Татлитуғ эса бошқа ҳеч қачон Фаҳрие билан бир фильмда роль ижро этмаслигини айтган.
Фаҳрие билан ишлайдиган гримёрларга ҳам осон эмас. Агар унга макияж ёқмаса, актриса макияжни ювиб ташлайди ва ўзи хоҳлаганидек бўяниб олади.
Фаҳрие суратга олиш жараёнларига тез-тез кечикиб келади. Агар жараён чўзилса, у уйга кетиб қолиши ҳам мумкин.
Ҳазар Эргучлу
Актрисанинг феъл-атвори жуда оғир. Агар у эрталаб чап оёғи билан турган бўлса, бутун суратга олиш гуруҳига бунинг таъсири билинади. Унинг кайфияти яхши бўлганида эса муаммолар кузатилмайди.
Ҳуля Авшар
«Муҳташам юз йил: Кўсем империяси» фильми юлдузи продюсерларга ўз шартларини айтиб, фильмда суратга тушишга розилик беради.
Унинг гримхонасида маълум бренднинг минерал суви бўлиши керак. Ушбу сув жуда қиммат бўлиб, Туркияда уни топиш амри маҳол.
Шунингдек, гримхонада массаж креслоси ҳам бўлиши керак.
Санам Челик
«Алия» сериали юлдузининг характери ўта оғирлиги «Ҳеч нарсага қарамай бирга яшаш» фильмида сезилди. У суратга олиш жараёнига аралашаверди ҳамда деярли барча ҳамкасблари билан айтишиб қолди.
Марям Узерли
«Муҳташам юз йил» сериали юлдузи суратга олиш жараёнида ўзини худди маликалардек тутди. Дастлаб унинг яшаши учун ижарага олинган хонадон ёқмади. Марямни Туркиядаги энг қиммат меҳмонхонага ўтказишди. Бироқ у ерда ҳам актрисага ёқмаган жиҳатлар топилди.
Унга умумий тренажёр залига бориш ёқмади. Шунинг учун у меҳмонхона ходимларидан югуриш йўлакчасини номерига ўрнатиб беришни сўради.
Меҳмонхона ходимлари ушбу сўровга рад жавобини берди. Шундан сўнг лойиҳа продюсерлари актрисага югуриш йўлакчаси сотиб олиб берди. Марямнинг инжиқликларидан сериал мухлислари ҳам азият чекди. У сериалнинг суратга олиш ишлари тугамасидан ундан кетишга қарор қилди.
Изоҳ (0)