Болливуд актёри Ритик Рошаннинг уйи Мумбай шаҳридаги энг нуфузли туманлардан бири Жухуда жойлашган. Уй деразаларидан Арабистон денгизининг ажойиб манзараси кўриниб туради.
Ритикнинг уйи икки қаватдан иборат. Унинг ён қўшниси таниқли актёр Акшай Кумар.
«Ушбу уйнинг қурилиши ўзимдаги яширин қирраларни кашф этиш билан кечди. Қурилиш жараёни ўйлаганларимни ҳаётга татбиқ этиш қандай натижага эга бўлишини текшириб кўрмоқчи бўлдим», — дейди Ритик.
Уйдаги меҳмонлар учун мўлжалланган катта хонада стол футболи, бильярд столи ва ҳатто шоколад тарқатадиган автомат ҳам бор.
Ритикнинг уйда ҳам мўъжаз офиси бўлиб, бу ердаги стол устида актёр таклиф этилган фильмлар сценарийлари туради.
Уйдаги деворларда турли маъноли иборалар ёзилган. Масалан, бильярд столи яқинидаги деворда «Ҳар бир тарихнинг икки томони бор» деб ёзилган.
Шундай ибораларни ҳамма хоналарда учратиш мумкин. Уларни Ритикнинг шахсан ўзи ёзган.
Ҳозирда Ритикнинг собиқ рафиқаси Сюзанна ҳам карантинни унинг уйида ўтказмоқда. Рошанлар оиласида бир қоида бор: оилада кечки овқатлар битта жойда ейилмайди.
Улар кечки овқатни меҳмонхонада, йўлакда, балконда ёки ётоқхонада ҳам ейиши мумкин.
«Бу орқали мен болаларимга чексиз имкониятлардан фойдаланиш кераклигини ҳамда стандартлардан бошқача фикрлашни ўргатаман», — дейди.
Изоҳ (0)