Коронавирусга чалиниб, соғайган Голливуд актёри Том Хэнкс пандемия туфайли байрамни нишонлай олмаган 2020 йил битирувчиларини табриклади, деб ёзади Esquire.
Актёр улар учун мактабни тугатганлик тўғрисидаги дипломнинг ўз версиясини эълон қилди. Ҳужжатда инқирозга қарамай, мактабни тугата олган ушбу диплом эгаси бахтли инсон эканлиги ёзилган.
«Сиз тиришқоқлигингиз, зукколигингиз ва ижтимоий масъулиятингизни кўрсатдингиз», — дейилади Том Хэнкс ва Альберт Эйнштейн томонидан имзоланган дипломда.
Актёр битирувчиларга дипломни чоп этиб, рамкага солиб, ҳаммага унинг Том Хэнксдан эканлигини айтишни таклиф қилди.
https://twitter.com/tomhanks/status/1263830830515798016
Бундан ташқари, актёр 1974 йилдаги архив суратини ҳам эълон қилди. Ўшанда актёр Окленддаги Skyline High School’ни тугатган эди.
https://twitter.com/tomhanks/status/1263829087971274754
Изоҳ (0)