Аксарият актрисалар кино оламига тасодифан гўзаллик танловларида иштирокидан сўнг ёғила бошлаган таклифлар орқали кириб келган. Қуйида ана шундай актрисалар ҳақида маълумот берамиз.
Айшвария Рай
Болливуднинг энг таниқли актрисаларидан бири Айшвария Рай болалигидан гўзаллик танловларида иштирок эта бошлаган.
У дастлаб «Ҳиндистон гўзали» бўлган, кейинроқ эса «Дунё гўзали» деб эътироф этилган. Шундан сўнг Айшварияга киноларда суратга тушишга таклифлар бўла бошлади. У кинодаги карьераси учун моделлик фаолиятидан воз кечишига тўғри келди.
Мишель Пфайффер
Голливуд актрисаси Мишель Пфайффер 1977 йилда «Оринж округи гўзали» бўлган, кейинроқ «Калифорния гўзали» танловида ғалаба қозонган. Шундан сўнг Мишелга продюсер ва режиссёрлардан кўплаб таклифлар тушиб, модель қиз актрисага айланди.
Ҳолли Берри
Ҳолли гўзаллик танловидаги иштирокни мактабдан бошлаган. Кейинроқ у «Америка гўзали» ва «Огайо гўзали» деб топилди.
Ҳолли «Дунё гўзали» танловида иштирок этган биринчи афроамерикалик аёл бўлди. У танловнинг энг яхши 10 нафар иштирокчилари рўйхатидан жой олган. Танловлардаги муваффақиятли иштирок натижаси ўзини кўп куттирмади. Уни киноларда суратга тушишга таклиф қила бошлашди.
Шерон Стоун
Шерон 18 ёшида «Мисс Крофорд» танлови ғолибасига айланди. Ўшандаёқ унга модель бўлиб ишлашга яхши шартнома таклиф қилишган. Шерон моделлик соҳасидаги муваффақиятли карьерасига қарамай, тақдирини кино билан боғлашга қарор қилди ҳамда кастингларда иштирок эта бошлади. «Асосий инстинкт» фильми унга оламшумул машҳурлик келтирди.
Ким Бейсингер
Ким болалигидан худди онасига ўхшаб модель бўлишни орзу қиларди. У карьерасини гўзаллик танловларидан бошлашга аҳд қилди.
Ким ёшлигида «Мисс Жоржия» танловида иштирок этди, кейинроқ «Мисс Америка» деб топилди. Танловдаги иштирокидан кейин Ким моделлар агентликлари ва фотографлар ўртасида талаш бўлди. Бироқ у кинода фаолият юритишни хоҳлади.
Изоҳ (0)