Самарқанд вилояти юқумли касалликлар шифохонасида 5 нафар, Тошкентдаги Эпидемиология, микробиология ва юқумли касалликлар илмий-текшириш институти клиникасида 4 нафар, жами 9 нафар коронавирус инфекциясига чалинган бемор бутунлай соғайиб, реабилитацияга кузатилди, деб хабар бермоқда ССВ матбуот хизмати.
Самарқандда тузалганларнинг барчаси ушбу вилоятдан (3 нафари Самарқанд шаҳридан, Пастарғом ва Тойлоқ туманларидан эса 1 нафардан) бўлиб, 2 нафари эркаклар, 3 нафари аёллар. Улар орасида ёши каттаси 62 ёшда, ёши кичиги 5 ёшда. Вилоятда айни пайтга қадар 249 нафар бемор соғайган бўлса, эндиликда туззалганлар сони 254 нафарга етди.
Эпидемиология, микробиология ва юқумли касалликлар илмий-текшириш институти клиникасида тузалганларнинг 2 нафари Тошкент вилоятидан, 1 нафари Сурхондарё вилоятидан, яна 1 нафари эса Тожикистондан. Уларнинг 3 нафари эркаклар, 1 нафари аёл бўлиб, ёши каттаси 60 ёшда, ёши кичиги 34 ёшда. Эндиликда Тошкент шаҳрида соғайганлар 980 нафарга етди.
Бундан аввал республика бўйича соғайганлар сони 2659 нафарни ташкил этаётганди. Шундай қилиб, 27 май куни 32 нафар бемор тузалиб, Ўзбекистон бўйлаб коронавирус инфекциясидан бутунлай соғайганлар 2668 нафарга етди.
Касалланганларнинг умумий сони эса 27 май соат 16:30 ҳолатига кўра, 3355 нафарни ташкил этмоқда. 14 киши эса инфекция асоратлари оқибатида вафот этган.
Изоҳ (0)