«Милан» расмий сайти жамоа ҳужумчиси Златан Ибрагимович жароҳати билан боғлиқ ҳолат бўйича баёнот берди.
Аввалроқ 38 ёшли футболчи эски жароҳатини қайталаб олгани ва бунинг натижасида узоқ муддатга сафдан чиққани хабар қилинганди. Шунингдек, футболчининг товон пайларида муаммо борлиги айтилган.
«Ибрагимович 25 май кунги машғулот пайтида болдир мушакларини шикастлаб олди. Товон пайларига умуман шикаст етмаган. Футболчи ўн кундан сўнг рентген қилинади», — дейилади миланликлар баёнотида.
Эслатиб ўтамиз, коронавирус пандемияси сабаб Италия чемпионати тўхтатилгач, Ибрагимович Швецияга йўл олган ва ўша ердаги маҳаллий жамоа сафида машғулот олиб борган. 11 май куни Златан Миланга қайтган.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)