Икки вазн тоифасида UFC собиқ чемпиони Жорж Сен-Пьер фаолиятини тиклаш эҳтимоли ҳақида гапирди.
«Агар октагонга қайтиш қарорига келсам, яна чемпион бўлишимга ишончим комил. Агар қачондир қайтадиган бўлсам ҳам, бу ҳеч ким мағлуб эта олмаган йигитга қарши жанг қилиш учун бўлади.
Ҳабиб Нурмагомедов билан жанг? Энди Ҳабибда энгилмаслик руҳи бор. Унга қарши жанг — афсонага айланиш имконияти.
Кетгунимга қадар бу жангни ташкил этмоқчи бўлгандик ва Ҳабиб ҳам буни хоҳлаганди. Биз жуда ҳаракат қилдик. Афсуски, UFC буни хоҳламади. Уларда Ҳабиб билан боғлиқ бошқа режалар бор эди.
Бироқ ҳеч қачон ҳеч қачон деб бўлмайди. Агар қачондир қайтадиган бўлсам, бу менинг шартларимга мос бўлиши керак. Мен шартнома бандларига ботиб қолишни истамайман, ғалаба қозонганимдан кейин ҳам яна ва яна жанг қилиш ниятим йўқ. Энди йилига учта жангда иштирок этишга рози бўладиган йигит эмасман. Ҳаёт йўлимда бу босқични босиб ўтдим. Ҳозирги ҳолатимдан жуда мамнунман», — дейди Сен-Пьер.
39 ёшли Сен-Пьер 2019 йилнинг февралида фаолиятини якунлаганини эълон қилганди. Яккакурашчи MMA’даги фаолияти мобайнида 28 та жанг ўтказиб, уларнинг 26 тасида ғалаба қозонган (14 бор муддатидан аввал) ва икки бор мағлуб бўлди.
Изоҳ (0)