Қўл жанглари лигаси (BKFC) президенти Девид Фелдман бокс бўйича собиқ Жаҳон чемпиони Майк Тайсонга шартнома таклиф қилди.
Шартномадаги пул миқдори 20 миллион доллардан ошади. «Темир Майк»га рақиб сифатида Вандерлей Сильвани таклиф қилишган.
«Мен бунга Тито Ортисни таклиф қилмадим, сабаби бу диққатни тортишига ишончим комил эмас. Менимча, Сильва варианти кўпроқ тўғри келади.
Сильванинг ёши ўтиб қолгани муҳим эмас, у ҳали ҳам хавфли. Бу интригага бой қарама-қаршилик бўлади. Бироқ даъвогар ҳали танланмади.
Аввалига Тайсон билан жанг ташкил эта олишимизга ишонч ҳосил қилишим керак. Кейин рақиблар ҳақида гапирсак бўлади. Ҳозирча Майк билан жанг ташкил этиш борасида келишувга эришмадик. Бироқ бу эшиклар биз учун ёпиқ деб ўйламайман. Тайсон дарҳол «йўқ» дея жавоб берди. Аммо фикримча, нуқта қўйишга ҳали эрта», — дейди Фелдман.
Аввалроқ Майк Тайсон боксга қайтиши ва бир нечта кўргазмали жангда иштирок этиши маълум бўлганди. Кўплаб хабарларда Майк 57 ёшли Эвандер Ҳолифилдга қарши 3-жангда ишитирок этиши айтилмоқда.
Маълумот учун, BKFC (Bare Knuckle Fighting Championship) — бокс қоидалари бўйича қўлқопларсиз ўтадиган жанг санъати ҳисобланади.
Изоҳ (0)