«Манчестер Сити» ёзги трансфер ойнасида «Бавария»га ўтиб кетиши кутилаётган Лерой Санега ўринбосар топди.
Daily Mail’нинг хабар қилишича, германиялик ҳужумкор ярим ҳимоячи жамоани тарк этадиган бўлса, «шаҳарликлар» «Байер» ярим ҳимоячиси Леон Бэйлини қўлга киритишга уриниб кўради. «Манчестер Сити» ямайкалик футболчига Саненинг муносиб ўринбосари сифатида қарамоқда. Футболчининг иккала қанотда ҳам ҳаракат қила олиши ҳам клуб эътиборини тортган.
Бэйлини «Арсенал» клуби ҳам узоқ вақтдан буён кузатиб келади, бироқ лондонликлар молиявий томондан «Сити»га тенг кела олмайди. Леоннинг трансфери, тахминан, 40 миллион фунтга баҳоланмоқда.
Бэйли 2017 йилда «Генк»дан леверкузенликлар сафида ўтган. Жорий мавсумда 22 ёшли футболчи Бундеслигада 16 ўйин ўтказиб, бешта гол ва битта голли узатмага муаллифлик қилди, шунингдек, икки бор қизил карточка олди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)