ИнстаФутбол: Кўчанинг Месси ва Роналдулари, карантиндаги қувноқ Марсело ва Фирминонинг кичкина шогирди (видео)
Коронавирус сабаб дунёнинг кўплаб мамлакатларида футбол мусобақалари тўхтаб қолди. Кучли бешлик лигалари ичида фақат Германия Бундеслигаси давом эттирилмоқда. Шунда ҳам мухлисларсиз. «Дарё» шулардан келиб чиқиб, футбол мухлисларининг талаб ва таклифларини инобатга олган ҳолда, ижтимоий тармоқларда машҳур бўлган футболга оид видеороликларни бир саҳифада жамлаб бериб боришга қарор қилди. Лойиҳага ИнстаФутбол (Instagram + футбол) деб шартли ном берилди. Ҳар куни энг яхши 10 та видео ўқувчилар учун тақдим этиб борилади.
Карантин вақтида зерикиш нималигини билмаётган Марсело
Мана буни маҳорат деса бўлади. Қойил, йигитлар!
Футбол оламида ўзининг қойилмақом финтлари билан мухлислар олқишига сазовор бўлган Неймар ҳам баъзан шундай ишлар қилиб туради
Ўйин вақтида ҳам мана шундай комбинациялар орқали жарима зарбасидан унумли фойдаланса бўлар экан. Ҳар ҳолда мана бу йигитлар шунга ишора қилмоқда
Ўйин тугаб, ҳамма стадиондан кетгандан кейин шундай финтларни амалга ошириб, мақтаниб қўядиганлар ҳам бор-да
Тенгдошлар, ҳамкасблар ёки яқинлар ўртасидаги ўйинларда ҳам Месси ва Роналду каби «футболчилар» учраб туради
Мана бу болакай эса «Ливерпуль» ҳужумчиси Роберто Фирминога ҳавас қилибди. Омадингни берсин, болакай!
Дарвозабон бўлишни ният қилганлар учун шунчаки ажойиб қўлланма!
Ҳар кўчанинг ўз Роналдуси бор!
Бу йигитга эса шунчаки «қойилларимиз»! Кўпчилик қила оладиган ишни видеога олиб, машҳур бўлиш ҳам ҳаммага эмас-да, дўстлар!
