Икки вазн тоифасида UFC собиқ чемпиони Жорж Сен-Пьер промоушеннинг енгил вазндаги жангчилари Ҳабиб Нурмагомедов, Конор Макгрегор, Тони Фергюсон ва Жастин Гетжилар ҳақида гапирди.
«Конор яна чемпион бўлиши мумкин. Бироқ уни таслим эта олиш учун Ҳабибда жуда яхши услуб бор. У Конор учун криптонит (DC Comics кино оламига тегишли, ўйлаб топилган кристал-радиоактив модда — изоҳ «Дарё»).
Ҳабиб масофани қисқартиришни жуда яхши билади ва бу Конорнинг ожиз нуқтаси. Гетжи Ҳабибни енгадиган бўлса, бу бошқа гап. Конорда Ҳабибни мағлуб этишдан кўра Жастинни енгиш имконияти юқори.
Кутилмаганда ҳужумга ўтиш — кўча жангларидаги энг муҳим жиҳат. Бироқ Тони ва Ҳабиб бир вақтда уришишни бошласа, Ҳабиб ғалаба қозонишига ишонаман. Чунки у яхши курашчи», — дейди Сен-Пьер.
Конор Макгрегорнинг UFC’даги дебютини кўрганмисиз? У рақибини 1-раунддаёқ нокаутга учратган (видео)
Эслатиб ўтамиз, Ҳабиб ва Тони Фергюсон ўртасидаги жанг апрель ойида бўлиб ўтиши керак эди. Бироқ мазкур жанг коронавирус сабаб бекор қилинди. Эндиликда Фергюсонни мағлуб этиб, вақтинчалик чемпион унвонини қўлга киритган Жастин Гетжи россиялик яккакурашчига қарши жанг қилиш учун асосий даъвогар бўлиб турибди.
Изоҳ (0)