Бухоро вилояти Жондор туманида «Агрокимёҳимоя» АЖ Яккатут туманлараро махсус базаси омбори мудири минерал оғитлар учун олинган пулларни ўз эҳтиёжи учун сарфлаб юборгани аниқланди. Бу ҳақда Бош прокуратура «Дарё»га маълум қилди.
Бош прокуратура ҳузуридаги Департаментнинг Жондор туман бўлими томонидан ўтказилган терговга қадар текширувда омбор мудири Н.Р. ўзининг хизмат мавқейидан фойдаланиб, «Ш.Ў.» фермер хўжалиги раҳбари И.Ў.га омбордан минерал ўғитларни олиб келиб беришни ваъда қилган.
Н.Р. фермернинг ишончномаси орқали хўжалик номига 52,1 миллион сўмлик минерал ўғитларни расмийлаштириб, ўз эҳтиёжлари учун сарфлаб юборган.
Мазкур ҳолат юзасидан Н.Р.га нисбатан Жиноят кодексининг тегишли моддаси билан жиноят иши қўзғатилиб, тергов ҳаракатлари ўтказилмоқда.
Изоҳ (0)