Туркия ҳукумати Ўзбекистонга 50 та сунъий нафас олдириш аппаратини юборди. Инсонпарварлик юки Uzbekistan Airways’нинг 22 май куни Истанбулдан парвоз қилган махсус чартер рейси орқали Тошкентга етказилди, деб хабар бермоқда «Дунё» АА.
Қайд этилишича, олиб келинган тиббий ускуналар Ўзбекистоннинг Анқарадаги элчихонаси кўмагида беғараз ёрдам сифатида тақдим этилган. Улар Соғлиқни сақлаш вазирлигига COVID-19 коронавирусига қарши курашишда фойдаланиш учун топширилади.
Мутахассислар фикрига кўра, Туркиянинг сунъий нафас олдириш аппарати бошқа кўплаб муқобилларига қараганда рақобатбардош ва юқори сифатга эга.
Аввалроқ Туркия коронавирусга қарши кураш доирасида Ўзбекистон тиббиёт ходимларига тиббий ҳимоя анжомлари тўпламини тақдим этганди.
Эслатиб ўтамиз, 22 май соат 10:00 ҳолатига кўра, Ўзбекистонда коронавирус инфекцияси қайд этилганлар сони 39 кишига кўпайиб, 3006 нафарни ташкил қилмоқда.
Изоҳ (0)