O‘zbekistonda 22-may soat 10:00 holatiga ko‘ra, koronavirus infeksiyasi qayd etilganlar soni 39 kishiga ko‘payib, 3006 nafarni tashkil qilmoqda, deya xabar bermoqda Sog‘liqni saqlash vazirligi.

Avvalroq 21-may soat 16:30 holatiga ko‘ra, koronavirus infeksiyasi qayd etilganlar soni 14 kishiga ko‘payib, 2964 nafarni tashkil qilayotgani haqida xabar berilgandi.

Shu vaqtga qadar koronavirus infeksiyasiga chalingan 2407 nafar fuqaro butunlay sog‘ayib, davolanishda bo‘lgan 5 nafar bemorning ahvoli og‘ir.

Ma’lumot o‘rnida, mamlakatda koronavirus infeksiyasini yuqtirib olish bilan bog‘liq ilk holat aniqlanganidan beri 13 nafar bemor kasallik asoratlari oqibatida vafot etdi.