Ўзбекистон маданият вазири Озодбек Назарбеков бош вазир ўринбосари Беҳзод Мусаев билан бирга циркка борди. Бу ҳақда Озодбек Назарбековнинг Instagram’даги саҳифасида маълум қилинди.
«Бугун Ўзбекистон Республикаси бош вазирининг ижтимоий ривожлантириш масалалари бўйича ўринбосари Беҳзод Мусаев билан бирга Ўзбекистон давлат циркида бўлдик.Мақсад циркнинг бугунги ҳолатини ўрганиш, мавжуд муаммо ва камчиликларга ечим топиш ҳамда у ерда фаолият олиб бораётган ходимларга яратилган шарт-шароитлар билан яқиндан танишиш эди.Биз циркда сақланаётган ҳайвонлар аҳволи ва уларнинг яшаш жойларидаги санитария-гигиена ҳолатларини кўздан кечириб, цирк директорига мавжуд шароитни янада яхшилаш бўйича қатор кўрсатмалар бердик.Бундан ташқари, Ўзбекистон давлат циркини ривожлантириш, унинг моддий-техник базасини мустаҳкамлаш, Европа стандартларига мослаштириш, қолаверса, узоқ йиллар таъмирталаб ҳолатда бўлгани боис унга сарфланадиган харажатлар миқдори юзасидан ҳам ўзаро фикр алмашдик», — дейди Озодбек Назарбеков.
Изоҳ (0)