Хитойда ўтган бир сутка ичида коронавирус билан касалланиш бўйича 7 та ва касаллик белгисиз ўтаётган 18 та ҳолат аниқланди, деб хабар бермоқда «РИА Новости» Хитой Соғлиқни сақлаш миллий комиссиясига таяниб. Касалланганларнинг 11 нафари соғайган. Вафот этиш ҳолати қайд этилмаган.
Коронавирус пандемияси бошланганидан буён мамлакатда 84 054 киши вирус юқтириб олган, уларнинг 79 306 нафари соғайган, 4638 нафар бемор вафот этган. Шунингдек, яна 18 кишида касаллик аломатларсиз кечаётгани аниқланган. Умумий ҳисобда бундай кишиларнинг яна 448 нафари шифокорлар назоратида бўлиб турибди.
Жанубий Кореяда ўтган бир сутка ичида 15 киши коронавирусга чалиниб, қайд этилган касалланишларнинг умумий сони 11 065 нафарга етди, деб хабар бермоқда «РИА Новости» мамлакат Соғлиқни сақлаш вазирлиги ҳузуридаги Касалликлар назорати ва профилактикаси маркази (KCDC) маълумотларига таяниб.
Аввалроқ 262 киши вафот этгани хабар берилган эди. Қайд этилишича, янги касалланишларнинг 5 таси локал, яъни Хитой ҳудудининг ўзида, 10 таси эса четдан юқтирилган.
Сўнгги суткада 16 киши касалликдан тузалган бўлиб, соғайган беморларнинг умумий сони 9 904 нафарга етиб, соғайиш кўрсаткичи 89 фоиздан ошди. Шунингдек, беморларнинг 1 нафари вафот этиб, қурбонлар сони 263 нафарга етди. Касаллик аломатларсиз кечаётган камида 466 киши назоратида бўлиб турибди.
Янги касалланиш ҳолатлари кўпайишига коронавирус борлиги гумон қилинган ва кейинчалик тасдиқланган 29 ёшли йигитнинг 2 майга ўтар кечаси Кёнгидо провинциясидаги Ёнин шаҳридан Сеулнинг одам гавжум бўлган Итхэвон ҳудудига боргани ва у ерда бир нечта клуб ва барларга киргани сабаб бўлган. Клублардаги бошқа шаҳарлардан дам олгани келган бир қатор шахслар ҳам вирус юқтириб олган. Айни пайтда клубда бўлганлар ёки уларнинг яқинларининг 168 нафарида вирус аниқланган.
Жанубий Корея ҳукумати коронавирус юқтириб олганларнинг барчасини топишга ҳаракат қилмоқда.
Изоҳ (0)