Тошкентдаги Эпидемиология, микробиология ва юқумли касалликлар илмий-текшириш институти клиникасида 18 май, душанба куни 21 нафар бемор коронавирусдан соғайиб, реабилитацияга кузатилди, деб хабар бермоқда ССВ матбуот хизмати. Пойтахтда бугуннинг ўзида соғайганлар сони 37 кишига етди. Бундан аввал 18 нафар бемор соғайгани хабар берилган эди.
Қайд этилишича, Тошкент шаҳрида шу пайтга қадар 751 нафар бемор соғайган бўлса, эндиликда улар 772 нафарга етди.
Шу куни Самарқандда 21 киши, Наманганда эса 7 киши коронавирусдан тузалди. Шундай қилиб, айни пайтда Ўзбекистонда жами соғайганлар сони 2314 нафарга етди.
Касалланганларнинг умумий сони эса 18 май соат 16:00 ҳолатига кўра, 2779 нафарни ташкил қилмоқда. Шунингдек, Тошкентда коронавирусга чалинган самарқандлик бемор вафот этиб, вирус қурбонлари сони 13 нафарга етди.
Изоҳ (0)