Ўзбекистонда шу йилнинг 18 майидан темир йўл ва авиақатновлар қисман қайта тикланиши ва Республика махсус комиссияси қарорига кўра, поезд ва самолётда ҳаракатланишнинг вақтинчалик тартиби жорий этилиб, унда йўловчилар коронавирус инфекциясига тест топшириши лозимлиги ҳам белгиланган эди.
Санитария-эпидемиология назорати давлат инспекцияси бошлиғи Нурмат Отабеков АОКАда ўтказилган онлайн брифингда тест топшириш нархи 224 минг сўм этиб белгиланганини маълум қилди.
«Поезд ёки самолёт орқали ҳаракатланишни хоҳлаганларда 120 соатдан, яъни 5 кундан кўп бўлмаган муддат оралиғида коронавирусга тест топширгани ва натижа манфийлигини – вирус йўқлигини тасдиқловчи маълумотнома бўлиши керак. Тестни республикадаги ОИТСга қарши кураш марказлари ва санитария-эпидимиология осойишталиги марказлари орқали топшириш мумкин», — дейди Санитария-эпидемиология назорати давлат инспекцияси бошлиғи.
Изоҳ (0)