Самарқанд вилоятида 18 май куни 21 нафар бемор коронавирусдан соғайиб, реабилитацияга кузатилди, деб хабар бермоқда ССВ матбуот хизмати.
Тузалганларнинг 20 нафари Самарқанд вилоятидан (5 нафари Самарқанд шаҳридан, 4 нафари Тойлоқ туманидан, 3 нафари Оқдарё туманидан, Пайариқ, Самарқанд, Пастдорғом ва Иштихон туманларидан 2 нафардан), қолган 1 нафари эса Қашқадарё вилоятидан. Барчаси коронавирус инфекциясига чалинганлар билан мулоқотда бўлиб, касалликни юқтириб олишган. Уларнинг 10 нафари эркак, 11 нафари аёл бўлиб, ёши каттаси 68 ёшда, ёши кичиги эса 8 ёшда.
Вилоятда шу пайтга қадар 154 нафар бемор соғайган бўлса, эндиликда улар 175 нафарга етди.
Шу куни 7 киши коронавирусдан тузалиб, Ўзбекистонда жами соғайганлар сони 2254 нафарга етгани хабар берилган эди. Энди эса коронавирус инфекциясидан соғайганларнинг умумий сони 2275 нафарни ташкил этмоқда.
Касалланганларнинг умумий сони эса 17 май соат 10:00 ҳолатига кўра, 2762 нафарга етди. Беморларнинг 12 нафари эса инфекция асоратлари оқибатида вафот этган.
Изоҳ (0)